فواصل للمنظم

النهرده حبيت اشارككم فواصل للمنظم عملتها من فتره ولو انتو متابعني على الانستجرام (Dodo_charms) اكيد شوفتوها وهى فواصل مولانج (Molang) وده شخصيه من شخصيات الكرتون الكوري.

عموما هو شخصيه كيوت جدا وعشان كده اخترته.

ححط الاول روابط للفواصل و بعد كده اشرح ازاي عملتها.

Molang background 1
Molang Background 2
Molang Background 3
Molang Background 4
Molang Background 5
Molang Background 6

Molang character 1
Molang character 2
Molang character 3
Molang character 4
Molang Character 5
Molang Character 6

Molang character back 1
Molang character back 2
Molang character back 3
Molang character back 4
Molang character back 5
Molang character back 6


أوك نبدأ بقى الخطوات

في الأول طبعت كل Backgrounds على ورق عادي بعد ما ظبط مقاسها على word حسب المنظم بتاعك زي ما شرحت قبل كده في تدوينة تزيين المنظم لو A5 يبقى 5.9 * 8.3 انش ، ولو بيرسونال A6 يبقى 3.8 * 6.8 انش.

بعد كده اخترت كل صور الشخصيات Character و عملت كليك يمين و Print و بعد كده اخترت زي في الصوره :

بعد ما طبعنا كل حاجه حنقص الخلفيات على مقاس المنظم و الشخصيات حنقصها كلها.

علشان نخلي شكلها زي في الصوره حنختار character لكل خلفيه المفروض يكون في 2 من كل شخصيه عكس بعض حنحط وحده من قدام ووحده من ورا ونلزقهم كويس ونخلي بالنا يكون ترتيبهم بعيد عن بعض شويه علشان لما نحطهم في المنظم يبقى شكلهم زي كده :

ممكن تغلفي الفواصل بجلاد شفاف او عن طريق ماكينة التغليف الحراري زي ما تحبي.

و بكده نكون عملنا فواصل كيوت للمنظم بتعنا يا رب تعجبكم.